Януковіч прамяняў сяброўства з Лукашэнкам на сяброўства з Еўрасаюзам

27.04.2011

Такое меркаванне выказаў эксперт украінскага Інстытута энэргетычных даследаванняў Юрый Каральчук.

“Лукашэнка даў старт дыпламатычнай вайне паміж Украінай і Беларуссю. У энэргетычных пытаннях крыўдныя словы лідэра беларусаў пра “вашывасць” могуць каштаваць Украіне спынення аверснага выкарыстання нафтаправода “Адэса-Броды”, — сказаў Каральчук УНІАН.

Ён дадаў, што дэ-факта “праект стагоддзя” па транспартоўцы венесуэльскай нафты праз Украіну ў Беларусь ужо спыніў сваю дзейнасць. Дэ-юрэ і Украіна, і Беларусь пакуль што захоўваюць бачнасць працы ў гэтым кірунку.

Па словах Каральчука, гэтыя, на першы погляд, дзіўныя рухі вакол “Адэса-Броды” пачаліся ў той момант, калі адразу пасля падпісання кантракту з Украінай Беларусь дамовіліся з Расіяй аб аднаўленні бяспошлінных паставак нафты. Потым сітуацыю пагоршыла патрабаванне Еўрасаюзу не прымаць Лукашэнку ў красавіку ў Кіеве на днях памяці трагедыі на ЧАЭС.

“Па вялікім рахунку, калі параўнаць сухія лічбы, то Украіна атрымала ў дзесяць разоў больш. Кіеў сабраў 550 млн. еўра на “чарнобыльскія праекты”, а за год прапампоўкі нафты для Беларусі мог атрымаць каля 40 млн. еўра. Фактычна, Януковіч памяняў энергетычнае сяброўства з Лукашэнкам на аналагічную сяброўства з ЕС”, — адзначыў эксперт.

Чытаць таксама:

Амбасадар Украіны: Словы Лукашэнка – эмоцыі, якім не месца ў палітыцы

Украінскі палітык пра Лукашэнку: Хай на сваю хату спачатку зверне ўвагу

Партыя рэгіёнаў: Лукашэнка зрабіў неразумную і не ўзважаную заяву

МЗС Украіны: камэнтары Лукашэнкі “беспрэцэдэнтна некарэктныя”

Лукашэнка абвінаваціў кіраўніцтва Украіны ў «вашывасці» (відэа)

Коментування: коментарів